May 23, 2022

कसैले तर्साउदैमा जनता तर्सिदैनन्: अध्यक्ष केपी ओली

नेकपा एमालेका अध्यक्ष केपी शर्मा ओलीले कसैले तर्साउदैमा जनता नतर्सने बताउनुभएको छ । आइतबार बुटवलमा आयोजित चूनावी सभालाई सम्बोधन गर्दै अध्यक्ष ओलीले गठबन्धन दलका नेताहरुले मत माग्ने नाममा जनता तर्साउँदै हिँडेको भन्दै कसैले तर्साउदैमा जनता नतर्सने बताउनुभएको हो । एमालेले अघि सारेका बिकास योजनालाई वर्तमान सरकारले अवरुद्ध पारेको भन्दै ओलीले वैशाख ३० गतेको चुनावमा जनताले जरादेखि टक्टक्याएर फ्याक्ने जिकिर गर्नुभयो । अध्यक्ष ओलीले आगामी जेठ १५ गते गठबन्धनको सरकारको अन्तिम बजेट हुने समेत बताउनुभयो । उहाले मुलुकलाई समृद्धिको दिशतर्फ अघि बढाउनका साथै संघीय र प्रदेश सरकार बनाउँदा विनियोजित हुने बजेट अलपत्र हुनबाट जोगाउन एमाले जित आवश्यक रहेको धारणा राख्नुभयो ।

यसअघि एमालेले बुटवल नगरमा धेरै नै बिकासका काम गरेको भन्दै थप बिकासको जिम्मा पनि एमालेलाइ दिन उहाले आग्रह गर्नुभयो । ओलीले एमालेको विजयी यात्रा स्थानीय तहबाटै सुरु हुने दावी गर्नुभयो ।

Leave a Reply

Your email address will not be published.