प्रमुख प्रतिपक्षी नेपाली कांग्रेसले देशभित्र फैलिएको कोरोना संक्रमण सरकारको चरम लापरबाहीको संज्ञा भएको आरोप लगाएको छ ।कोरोना संक्रमणका बिषयमा कांग्रेस सभापति शेर बहादुर देउवाले आफ्नै निवास बुढानिकण्ठमा पत्रकार सम्मेलन गर्दै सरकारको असंवेदशीलता र लापरबाहीका कारण उच्चदरमा संक्रमण फैलिएको आरोप लगााउनुभएको हो । यस्तो परिस्थिति आउनुमा सरकारको चरम लापरबाही, असंवेदनशीलता र अकर्मन्यता जिम्मेवारी रहेको भन्दै उहाले सरकारले बिगतका गल्तीबाट पाठ सिक्न नसकेको बताउनुभयो । उहाले कांग्रेस लगाएत सरोकारवालाले दिएको सल्लाहलाई सरकारले आत्मसात गर्न नसकेको तर्क गर्नुभयो ।देउवाले प्रधानमन्त्री ओली अधुर काममा पनि भिडभाड जम्मा गरेर उद्घाटन गर्दै तडकभडकमा मग्न भएको आरोप पनि लगााउनुभयो । त्यस्तै, उहाले सरकारलाई तत्काल संक्रमितको उपचारको लागि आईसीयू बेड आवश्यक औषधी उपचार उपलब्ध गराउन माग गर्नुभयो ।
उपत्यकामा निषेधाज्ञा गरेपछि कोभिड परीक्षण नगरी उपत्यका छोड्ने समय दिएर लाखौं मानिसहरु काम संक्रमित जिल्लामा पुगेको उहाको भनाई छ । यसका कारण कम संक्रमण भएको जिल्लामा व्यापक हुने खतरा बढेको उहाले बताउनुभयो ।पत्रकार सम्मेलनमा सञ्चारकर्मीले सोधको प्रश्नमा देउवाले वैकल्पिक सरकार निर्माणका लागि तत्काल परिस्थिति नबनेको बताउनुभयो । उहाले आफूहरूसँग पर्याप्त संख्या नपुगेकोले सरकार र अविश्वासको प्रस्तावको विषय थाती रहेको उल्लेख गर्नुभयो । देउवाले एमसीसी सांसदबाट पारित हुनुपर्ने बताउनुभयो । तर, यो विषयमा बाहिर आएजस्तो माओवादी अध्यक्ष प्रचण्डसँग आफ्नो कुनै सहमति नभएको तर्क गर्नुभयो ।उहाले पार्टीभित्रको क्रियाशिल सदस्यता लगाएतका बिषयलाई छिटो टुङ्ग्याउने बताउनुभयो ।
