November 22, 2022

गठबन्धनमा एक÷दुई दिनभित्रै सिट बाँडफाँड टुँगो लाग्ने दावी

नेकपा (माओवादी केन्द्र) का महासचिव देवप्रसाद गुरुङले आगामी मंसिर ४ गते हुने निर्वाचनको लागि गठबन्धनमा एक÷दुई दिनभित्रै सिट बाँडफाँड टुँगो लाग्ने दावी गर्नुभएको छ । रिपोटर्स क्लव नेपालले बुधबार काठमाडौंमा आयोजना गरेको साक्षात्कारमा उहाले अहिले पनि सिट बाँडफाँडका लागि गठबन्धनका शीर्ष नेताहरुबीच छलफल चलिरहेको जानकारी दिनुभयो । गुरुङले मुलुकको राष्ट्रिय राजनीतिमा देखापरेको संकटलाई सबै दलबीचको सहकार्यले पार लगाउनुपर्नेमा जोड दिनुभयो । महासचिव गुरुङले एमाले पनि विगतका गल्ती कमजोरी पूनर्विचार गर्न तयार भयो भने वाम घटकहरु सहकार्य गरेर जान सकिने तर वाम घटकमा संकीर्णता भने देखिएको बताउनुभयो । फरक प्रसँगमा उहाले पार्टीका पदाधिकारी समावेशी नभएको बताउनुभयो । केन्द्रीय कमिटीमा ३३ प्रतिशत महिला सुनिश्चितता् गरेको भएपनि पदाधिकारीको सवालमा त्यसो हुन नसकेको उहाले बताउनुभयो ।

गुरुङले आफ्नो दलमा पर्ने सिटको भागअनुसार सोहीअनुसार उम्मेद्धवार उठाउने सवालमा मापदण्ड तय गरिने जानकारी दिनुभयो ।

Leave a Reply

Your email address will not be published.