November 27, 2022

गठबन्धन टुटाउने षड्यन्त्र भइरहेकाले त्यसलाई असफल पार्नुपर्ने

प्रधानमन्त्री शेर बहादुर देउवाले गठबन्धन टुटाउने षड्यन्त्र भइरहेकाले त्यसलाई असफल पार्नुपर्ने बताउनुभएको छ । नेपाल विद्यार्थी संघको ५३औं स्थापना दिवसका अवसरमा मंगलबार काठमाडौंमा आयोजित कार्यक्रममा प्रधानमन्त्री देउवाले अहिले कुनैपनि अवस्थामा गठबन्धन टुट्न नहुने र गठबन्धन टुटाउने षडयन्त्रलाई असफल पार्नुपर्ने बताउनुभएको हो । गठबन्धन टुटे दलहरु फेरि एमालेसँग मिल्न जाने संभावना कायमै रहेको उहाको भनाई छ । त्यस्तै उहाले वर्तमान निर्वाचन प्रणालीअनुसार एउटै दलको बहुमत आउने सम्भावना नभएकाले तालमेल आवश्यक रहेको धारणा राख्नुभयो । त्यस्तै उहाले गठबन्धन भएपछि गिभ एण्ड टेक हुने स्पष्ट पार्नुभयो । कांग्रेसलाई सरकारमा ल्याउनु नै गल्ती हो भने भने स्पष्ट भन्नुपर्ने भन्दै कांग्रेस सभापति समेत रहनुभएका देउवाले आफ्नो सरकारले पनि राम्रो काम गरिरहेको तर्क गर्नुभयो । देउवाले स्कुल–स्कुलमा संगठन विस्तार गर्न गर्दै बलियो उपस्थीति जनाउन नेविसंघलाई निर्देशन दिनुभयो । त्यस्तै कांग्रेसका बरिष्ठ नेता रामचन्द्र पौडेलले गठबन्धनको शक्ति देखेर एमाले डराएको टिप्पणी गर्नुभयो । उहाले लोकतन्त्रलाई बलियो बनाउनका लािग लडाई बाँकी नै रहेकाले सवै सजग भएर लोकतन्त्र उल्ट्याउने षड्यन्त्रहरुविरुद्ध सतर्क हुनुपर्ने धारणा राख्नुभयो । त्यस्तै नेविसंघ सभापति दुजाङ शेर्पाले नेविसंघको महाधिवेशन पार्टीले दिएको समयसीमाभित्रै सम्पन्न गर्ने प्रविद्धता जनाउनुभयो । कार्यक्रममा नेविसंघले मोबाइल एपको शुभारम्भ गरेको थियो भने नेविसंघका अग्रज नेताहरुलााई सम्मान गरिएको थियो ।

Leave a Reply

Your email address will not be published.