May 20, 2024

जनतालाई सुशासनको प्रत्याभूति गराउने कुरामा सरकार प्रतिबद्ध

सञ्‍चार तथा सूचना प्रविधि मन्त्री ज्ञानेन्द्रबहादुर कार्कीले प्रेस स्वतन्त्रताको सम्मान गर्दै जनतालाई सुशासनको प्रत्याभूति गराउने कुरामा सरकार प्रतिबद्ध रहेको बताउनुभएको छ । बुधबार पत्रकार काठमाडौंमा नेपाल पत्रकार महासंघले आयोजना गरेको कार्यक्रममा सञ्चारमन्त्री कार्कीले संविधानले परिकल्पना गरेको अभिव्यक्ति तथा प्रेस स्वतन्त्रतालाई मर्यादित गराउने पक्षमा सरकार रहेको भन्दै त्यसलाई अंकुश लगाउने कल्पना पनि सरकारले गर्न नसक्ने बताउनुभएको हो । सरकार दक्षिण एसियामै प्रेस तथा अभिव्यक्ति स्वतन्त्रतामा अग्रणी देशको रुपमा प्रस्तुत हुन चाहेको उहाको भनाई छ । त्यस्तै उहाले सरकारले अनलाइन टेलिभिजनसम्बन्धी गरेको व्यवस्था पवित्र उदेश्यले ल्याइएको दावी गर्दै यसको कार्यान्वयनका लागि सरकार प्रतिवद्ध रहेको बताउनुभयो । राष्ट्रिय प्रसारण नियमावलीमा भएको संशोधनले अभिव्यक्ति स्वतन्त्रतामा कुनै हस्तक्षेप नगरेको उहाले बताउनुभयो । उहाले व्यक्तिगत रुपमा सामााजिक सञ्जाल प्रयोग गर्नेलाई नियमावलील नछुने स्पष्ट पार्नुभयो । कार्यक्रममा पत्रकार महासंघका अध्यक्ष विपुल पोखरेलले नियमावलीको संशोधनका केहि बिषयमा महासंघले आफ्नो चासो र चिन्ता व्यक्त गरेकाले तत्काल आवश्यक सम्बोधनका लागि माग गर्नुभयो । उहाले नियमावलीका बिषयमा देखिएका अन्यौतालाई सरकारले अन्त्य गर्नुपर्ने धारणा राख्नुभयो ।

त्यस्तै महासंघले साना तथा स्वरोगजारमूलक सञ्चारमाध्यमलाई जोगाउनका लािग लोककल्याणकारी बिज्ञापनमा ५० प्रतिशत बृद्धि गर्न आग्रह गरेको छ भने पत्रकारको दक्षता अभिबृद्धिका लागि गठन गर्ने भनिएको आम सञ्चार प्रतिष्ठान तत्काल गठन गर्नका लागि पनि माग गरेको छ ।

Leave a Reply

Your email address will not be published. Required fields are marked *