October 26, 2021

तानाशाही प्रवृतिलाई जनताको बलबाट ध्वस्त पार्नुपर्ने

नेकपाको प्रचण्ड–नेपाल समूहका नेता झलनाथ खनालले प्रधानमन्त्री केपी ओलीको तानाशाही प्रवृतिलाई जनताको बलबाट ध्वस्त पार्नुपर्ने बताउनुभएको छ ।बुधबार बागमती प्रदेशको अखिल नेपाल महिला संघको अगुवा कार्यकर्ता भेलालाई सम्बोधन गर्दै नेता खनालले जनताको शक्तिलाई परिचालन गरेर प्रधानमन्त्री ओलीको प्रतिगमनलाई ध्वस्त पार्नुपर्ने बताउनुभएको हो । उहाँले नेपालमा रहेको एक सय वर्षको राणा शासन, पञ्चायती शासन र ज्ञानेन्द्र शाहलाई जनताको बलमै पराजित गरेको भन्दै यसलाई पनि जनताको बलबाट ध्वस्त पार्नुपर्ने उल्लेख गर्नुभयो । त्यस्तै नेता खनालले मुलुकमा स्थायित्व कायम गर्न संविधानमा पाँच वर्षसम्म संसद विघटन गर्न नसक्ने व्यवस्था गरेको भन्दै उहाँले प्रधानमन्त्रीलाई संसद विघटनको अधिकार नरहेको दाबी गर्नुभयो । प्रधानमन्त्रीले संविधानको बलात्कार गरेर संविधानको मर्म र भावना विपरित संसद विघटन गरेको भन्दै लोकतन्त्र र संविधानलाई बचाउनुपर्नेमा जोड दिनुभयो ।

संविधान र लोकतन्त्रको रक्ष ागर्न नसके अस्थिरतातर्फ देश धकेलिने भन्दै उहाँले यसका विरुद्धमा लड्नुपर्ने अवस्था आएको बताउनुभयो ।त्यस्तै नेता खनालले प्रधानमन्त्री ओलीको प्रतिगामी प्रवृति लोकतन्त्र र आम जनताको इच्छा र आकांक्षा विपरित रहेको भन्दै जनताको बलिदानबाट प्राप्त उपलब्धी रक्ष ागर्न अगाडि बढ्नुपर्ने आजको आवश्यकता रहेको बताउनुभयो । उहाँले बालुवाटारमा गरिएको ओली पक्षको भेला संविधान र लोकतन्त्र विरोधीको भेला भएको समेत टिप्पणी गर्नुभयो ।

Leave a Reply

Your email address will not be published.