December 8, 2022

पाँच दलीय गठबन्धनका कारण मुलुक अप्ठेरो अवस्थामा पुगेको आरोप

नेकपा एमालेका अध्यक्ष केपी शर्मा ओलीले पाँच दलीय गठबन्धनका कारण मुलुक अप्ठेरो अवस्थामा पुगेको आरोप लगाउनुभएको छ । नेपाल जनसांस्कृतिक महासंघको ३५औं स्थापना दिवसका अवसरमा सोमबार काठमाडौंमा आयोजित कार्यक्रममा अध्यक्ष ओलीले पाँच दलीय गठबन्धनको सरकार बनेपछि मुलुकमा बिकास योजना अवरुद्ध भएको बैंकहरु रित्तिएको र राज्यको ढुकुटीमा समस्या आएको आरोप भन्दै सम्रग मुलुक अप्ठेरो अवस्थामा पुगेको आरोप लगाउनुभएको हो । अध्यक्ष ओलीले मुलुकमा एमाले नेतृत्वको सरकारले विकास र समृद्धिको लहर ल्याएकाले नियोजित ढंगले आफुलाई सरकारबाट हटाइएको तर्क गर्नुभयो । कार्यक्रममा अध्यक्ष ओलीले ६४ प्रतिशत मत भएको कम्युनिष्ट सरकार ढालेर विपक्षीको सरकार बनाउने माओवादीले समाजवादको कुरा गर्न नसुहाउने धारणा राख्नुभयो । माओवादी महाधिवेशनमा अध्यक्ष प्रचण्डले प्रस्तुत गरेको राजनीतिक प्रतिवेदन झुटको पुस्तक भएको उहाले टिप्पणी गर्नुभयो । उहाले गठबन्धनको साझा कार्यक्रमको कुनै अर्थ नभएको बताउनुभयो । आफुलाई वामपन्थी नभएर रामपन्थी भनेको प्रति ओलीले नेकपाबाट छुट्टिएका केहि व्यक्तिले माक्सवाद नै नबुझेको उल्लेख गर्नुभयो ।

उहाले मुलुकमा देखिएको बिविध समस्यालाई सास्कृतिक चेतनाद्वारा उजागर गर्नुपर्ने बताउनुभयो ।

Leave a Reply

Your email address will not be published.