July 30, 2021

महाशिवरात्रि पर्वको लागि आएका साधुसन्तलाई विदाई

Baba ji, a photo from Bagmati, Central | TrekEarth

भक्तपुरस्थीत केदारनाथको शिर डोलेश्वर महादेव मन्दिरमा महाशिवरात्रि पर्वको लागि आएका साधुसन्तलाई विदाई गरिएको छ ।शिवरात्रिमा विभिन्न स्थानबाट डोलेश्वरको मन्दिरमा दर्शन गर्न आएका ती साधुसन्तलाई भोजन, प्रसाद तथा दक्षिणा प्रदान गरी बिदाई गरिएको हो । डोलेश्वर दर्शन गर्न आएका १६२ साधुसन्तहरु बिदाई कार्यक्रममा सहभागी भएको केदारनाथको शिर डोलेश्वर महादेव संरक्षण तथा विकास समितिले जानकारी दिएको छ । कोरोना महामारीका कारण यस वर्ष साधुसन्तहरुको संख्यामा कमी आएको छ ।

डोलेश्वरमा आएका साधुसन्तलाई तीन तहमा वर्गिकरण गरी दक्षिणा उपलब्ध गराएको छ । क वर्गका साधुसन्तलाई नगद १ हजार १ सय ५ रुपैयाँ दक्षिणा, ख वर्गलाई नगद ७ सय ५ रुपैयाँ र ग वर्गलाई नगद ५ सय ५ रुपैयाँ तथा प्रत्येकलाई एक थान कम्बल, १ थान धोती, १ थान ज्याकेट र एक थान रुमाल प्रदान गरिएको समितिले जनाएको छ । डोलेश्वरमा शिवरात्री पर्वका लागि गत एक हप्ता अघिदेखि साधुसन्तहरु आएका थिए । देशका विभिन्न स्थान तथा भारतबाट साधुसन्त तथा योगीहरु शिवरात्रिमा डोलेश्वर आएका थिए ।

Leave a Reply

Your email address will not be published.