August 1, 2021

रामकुमारी झाँक्री गैरकानुनी रूपमा पक्राउ

Ram Kumari Jhakri arrested on charges of crime against the state

नेकपा प्रचण्ड–नेपाल पक्षकी नेतृ रामकुमारी झाँक्रीले आफूलाई गैरकानुनी रूपमा पक्राउ गर्न खोजिएको बताउनुभएको छ । पक्राउ पर्नुअघि निवासमा सञ्चारकर्मीसंग उहाले राष्ट्रपति विद्यादेवी भण्डारीको मानमर्दन, अपमान र चरित्र हत्या गरेको भन्ने विषय राजनीतिक विषय भएको र कानुनी विषय नभएको समेत बताउनुभयो । उहाले मर्ने बेलामा कमिलाको प्वाँख पलाए झैं शासकले आफू ढल्ने बेलामा तमासा गर्ने गरेको धारणा राख्नुभयो । जनताको सर्वोच्च थलो प्रतिनिधिसभा विघटन गर्न राष्ट्रपति भण्डारी मतियार बनेको उहाको भनाई छ ।

उहाले जनताको वाक स्वतन्त्रतामाथि नै राज्यले हनन गर्न खोजेको बताउनुभयो । पक्राउ पुर्जी जारी भएपछि झाँक्रीको निवासमा नेकपा कार्यकताले राज्यविरुद्ध नारावाजी गरेका थिए भने प्रहरीलाइ निवास छिर्न दिएका थिएनन् । राष्ट्रपति विद्यादेवी भण्डारीका विषयमा अभिव्यक्ति दिएपछि झाँक्रीलाई पक्राउ गर्न पुर्जी जारी गरिएको हो ।

Leave a Reply

Your email address will not be published.