कृषि तथा पशुपंक्षी विकास मन्त्रालयले गत आर्थिक वर्षको तुलनामा आर्थिक वर्ष ०७८÷७९ मा धान उत्पादन झन्डै ९ प्रतिशतले घटेको जनाएको छ । आइतबार काठमाडौंमा पत्रकार सम्मेलन गर्दै मन्त्रालयले अघिल्लो वर्षको तुलनामा धान उत्पादनमा ८.७४ प्रतिशत कमि आएको जनाएको हो । बिगत ५ बर्षमा भएका उत्पादनका अंकसंग तुलना गर्दा हालसम्मकै उत्पादन न्युन भएको मन्त्रालयले जनाएको छ । मन्त्रालयका अनुसार यो आर्थिक वर्षमा ५१ लाख ३० हजार ६ सय ४ मेट्रिक टन धान उत्पादन भएको छ । गत आर्थिक वर्षको तुलनामा धानबाली लगाइएको क्षेत्रफलमा करिब ४ हजार हेक्टरको सामान्य वृद्धि आएको छ भने उत्पादकत्वमा ८.६१ प्रतिशतले घटेको मन्त्रालयले जनाएको छ ।धान उत्पादनमा कमी हुनुको कारणमा कृषि मन्त्रालयले बेमौसमी वर्षालाई लिएको छ । असोज अन्तिम साता भएको वर्षाका कारण धानमा ठूलो क्षति पु¥याएको थियो । कृषि मन्त्रालयको प्रारम्भिक विवरणअनुसार चार लाख मेट्रिक टनभन्दा बढी धानमा क्षति पुगेको छ । पत्रकार सम्मेलनमा कृषि मन्त्री महिन्द्र राय यादवले धान उत्पादनमा कमी आउनुको कारणका बारेमा अध्ययन भइरहेको जानकारी दिनुभयो । किसानले उत्पादन गरेका बस्तुको बजारीकरणमा पनि समस्या देखिएको उहाको भनाई छ । उहाले प्रत्याप्त मल भित्राउन सरकारले पहल गरेपनि सोचेजस्तो मल आपूर्तिको व्यवस्था गर्न नसकिएको जिकिर गर्नुभयो । मन्त्रालयका अनुसार ६० देखि ६५ लाख मेट्रिक टन धान उत्पादन भए नेपाल धानमा आत्मनिर्भर हुन्छ ।
यस पटक कम्तीमा ६० लाख मेट्रिक टन धान उत्पादन हुने लक्ष्य कृषि मन्त्रालयले लिएको थियो ।
Wow, superb weblog layout! How long have you been blogging for?
you make running a blog look easy. The full glance of your site is wonderful, let alone the content!
You can see similar here e-commerce